La musica dei ciechi
Me pare ca redenno[1]
ogni turmiento passa,
ca uno cchiú se ’ngrassa;
Sarrà difetto gruosso chistu ccà!
Ma io ’o tengo e nun m’’o pozzo cchill leva’!
Ah! Ah! Ah! Ah!!
- (Don Alfonso esegue la risata del ritornello, esagerando le espressioni e i gesti. I ciechi lo assecondano, sforzandosi di rider contro voglia, con un risultato quanto mai pietoso e grottesco).
Ferdinando (mentre Don Alfonso, dopo aver finito di cantare, si toglie il cappello, come per questuare) — Don Alfo’…
Don Alfonso — Ched è?
Ferdinando — E venuto nisciuno?
Don Alfonso — No.
Ferdinando — E facite ’a terza parte!
Don Alfonso — Eh, faccio ’a quarta! (L’ostricaro, gli dà uno scappellotto. Don Alfonso infuriato, grida) Beh, mo vaco[2] a chiamma na guardia… (E si allontana a destra).
Don Antonio (all’ostricaro) — Ma facitece fa’…
Don Lorenzo — Nuie stammo cca pe’ ce abbusca’[3] ’o ppane…!
L’ostricaro — Ma pecché v’avit’a fa’ sfrutta’ ’a chillo?
Ferdinando — Quello non ci sfrutta…
Don Antonio — Noi siamo pagati.
Don Lorenzo — Avimmo nu tanto fisso.
Ferdinando — Siamo tanta fissi tutti quanti. Lui per noi è come un impresario.
Don Vincenzino — Simmo scritturate…
Ferdinando — Stipendiati…
L’ostricaro — Eh… (Come dire: davvero?) E quanto ve dà?
Ferdinando (un po’ imbarazzato) — A secondo dell’abilità… Io piglio tre lire al giorno… Il mandolino… qua… due e cinquanta…
Don Antonio — Già, io piglio meno di lui, perché lui è più bravo di me…
Ferdinando — Se non ero meglio, non pigliavo mezza lira ’e cchiú!
Don Antonio (nervoso) — Embé, si fosse ’o mandulino viecchio, t’’o scassasse[4] ’n capo! (Agita lo strumento e butta in aria la paglietta di Don Lorenzo).
Don Lorenzo — Gué…
Ferdinando (solleva il contrabbasso e colpisce l’ostricaro) — Vide[5], vi’…
L’ostricaro — Gué, vide ’a do’ vaie!
Ferdinando — E io si vedevo addo’ ievo[6], mo nun stevo ccà… (Verso Don Antonio) E vedi se non deve sempre trascendere!
