Don Antonio — E tu dice ca sì cchiu bravo’e me!
Ferdinando — Va be’, io piglio mezza lira di piú, pecché ’o strumento mio è cchiu’ gruosso…
L’ostricaro (raccogliendo la paglietta e dandola a Don Lorenzo) — Tenite… Dunque, ’o mandulino piglia ddoie lire e meza…
Ferdinando — E gli altri tre, senza offesa dei professori, una e cinquanta ciascuno…
Gennarino — Pecché nuie nun servimmo[1]!
Don Vincenzino — Nu viulino, trenta solde!
Don Lorenzo — E a mme, cu ’o clarino… Have ragione[2] ca nun pozzo leggere ’a musica… si no ogne nota m’avev’a da’ tre e vinticinche!
L’ostricaro — Embè, e pe’ diece lire e meza, nun ve convenesse ’e v’ ’offa’ pe’ cunto vuosto[3]?
Ferdinando — A chi?
Don Antonio — Pe’ cunto nuosto?
Don Lorenzo — E Chi ce accumpagna? Chi ce raccoglie ’e solde?
Ferdinando — Ce vò uno ca vede… Ha dda sta’ cu tanto d’uocchie apierte… ca piglia ’a ggente pe’ pietto[4]… Si no ’e passante sentono e passano, e nuie sunammo[5]. (Canticchia «La risata») Rèdite[6], meh, redite… (Con altro tono) Ne abbiamo messo tre o quattro per farli esigere per conto nostro… Invece quelli esigevano per conto loro… E nuie overo nun vedevamo niente! (I compagni acconsentono) Meglio quel poco e sicuro; accussi simmo certe ca quanno scura notte[7]…
L’ostricaro — E comme ve n’accurgite ca scura notte?
Ferdinando — D’’o stommaco… Quanno ’a panza se fa senti’[8] vò di’ ca è scurato notte!
Don Lorenzo — A me… (Mostra il clarino) chisto ’a vintiquattro ore nun sona cchiu!
L’ostricaro — E stu ’mpressario se fa na posizione ‘ncuollo a vuie…
Ferdinando — Embé, che ce vuo’ fa’? Nella terra dei ciechi, biato[9] chi tene n’uocchio...
Don Antonio — A senti’ a isso dice ca ce refonne[10]… (L’ostricaro cava una sigaretta, ma non avendo cerini, esce a sinistra. Ricompare frattanto Don Alfonso, che, meditabondo, va accanto a Ferdinando).
Ferdinando (credendo di parlare sempre all’ostricaro) — Che ha dda rimettere!? Quello
è un volgare speculatore. Ti pare che se non trovava il torna conto suo, pagava
- ↑ nun servimmo: non serviamo, non siamo utili.
- ↑ Have ragione: approfitta.
- ↑ pe’ cunto vuosto: gestendolo in proprio
- ↑ pe’ pietto: di petto.
- ↑ sunammo: suoniamo.
- ↑ Redite: ridete.
- ↑ quanno scura notte: quando si fa sera
- ↑ ’a panza se fa senti’: lo stomaco protesta (per l’appetito).
- ↑ biato: beato.
- ↑ ce refonne: ci rimette.
