Nannina (balbetta) — E chelli quinnece[1] lire…
Ferdinando —… pure te servettero?
Nannina — Io stevo annuda[2]…
Ferdinando — Steva annuda! «La Venere del Milo»! Mannaggia! (Alla moglie) Jh chi me cecaie ’e me spusa’ a tte…
Nannina — «Chi te cecaie»? Tu ire gia cecato…
Ferdinando — E si ce vedevo nun ’o passavo stu guaio! (Nannina fa per replicare, ma vedendo Don Alfonso ritornare, tace. L’impresario si avvicina alla donna, e resta a parlare con lei).
Don Antonio — Ferdina’… è venuta tua moglie?
Ferdinando (con un cenno di approvaziane) — Eh…
Don Antonio — E ched è?
Ferdinando — E che ha dda essere? Guaie! Ogne vota[3] ca vene muglierema me porta na pestella!
Don Lorenzo — E ched è a pestella?
Ferdinando — Na piccola peste!
Don Antonio (scherzoso) — Ferdina’… Ma cumm’è mugliereta?
Ferdinando — E chi ’o ssape? A senti’ a essa, dice ca é na bella femmena… (La musica cessa).
Don Lorenzo — Ferdina’… Ma cumme ’a cunusciste…?
Ferdinando — A chi?
Don Lorenzo — A mugliereta
Ferdinando (con voce un po’ commossa) — Stavo andando sotto a nu tram… ’A sentette[4] ’e parla’, ’mmiez’a certa folla che si era fatta intorno a me… Essa tutta me cumpateva[5]: «Puveriello… è cecato e ’o lassano[6] sulo…» Me vulette accumpagna’ a nu café, e mi offrì un bicchiere d’acqua…
Don Lorenzo — ’O facett’ ’o sacrifizio…
Ferdinando — … E un bicchierino d’anice… pecché io mm’ero miso appaura[7]… Po’ m’accumpagnaie ’a casa… Via facendo, cammenanno cammenanno[8], io lle cuntaie[9] ’e guaie mieie, essa me cuntaie ’e guaie suoie, unimmo ’e guaie mie e ’e guaie suoie e ce ’nguaiaieme[10] tutt’’e dduie. Essa era rimasta vedova da venti anni, io pure avevo bisogno ’e nu poco ’e guida… E nu mese doppo, celebrammo le nozze. Facettemo[11] pure na festicciolla[12]: essa cu ’a veste ’e bruc-
- ↑ quinnece: quindici.
- ↑ annuda: nuda.
- ↑ vota: volta.
- ↑ ’A sentette: la sentii.
- ↑ cumpateva: compativa.
- ↑ ’o lassano: lo lasciano.
- ↑ miso appaura: impaurito.
- ↑ cammenanno cammenanno: durante il cammino.
- ↑ lle cuntaie: le raccontai.
- ↑ ce ‘nguaiaieme: ci rovinammo.
- ↑ Facettemo: facemmo.
- ↑ festicciolla: festicciola.
