La musica dei ciechi
cato[1] e io cu ’o soprabbito niro e col cappello duro… Invitaiemo[2] ’o maestro Panariello…
Don Lorenzo (un po’ maligno) — Ah! ’o scartellato[3]? Buono!
Ferdinando — Ce facettemo pure ’e ffotografie.
Don Antonio — E comme venettero?
Ferdinando — E chi ’o ssape… (Sorride, e, a Don Antonio) Damme nu cerino, famme accendere stu sigaro!
Don Antonio (gli porge una scatola; Ferdinando accende il sigaro, restituisce la scatola a Don Antonio).
Nannina (ad Alfonso, che ha continuato a parlare con lei, guardando il marito) — È nu guaio! Dinta casa nun ’o pozzo lassa’ nu poco sulo. Io l’aggi’a spuglia’, io l’aggi’a cucca’[4]…
Don Alfonso — Ll’hê ’a pure spuglia’ e cucca’?
Nannina — E comme… L’autiere[5] pe’ se spuglia’ isso sula, se levaie ’e panne ’a cuollo[6]. E invece de mmena’[7] ’ncopp’ ’a tavola, steva ’a fenesta aperta, e ’e gghittaie abbascio[8]…
Don Alfonso — Gué! (Come per dire: guarda, guardai).
Nannina (costernata) — E quanno chillo ha perzo na cosa… ’a matina, comme jesce da casa?
L’ostricaro (si avvicina maggiormente ai due, per ascoltare il loro discorso).
Don Antonio — Ferdina’…
Ferdinando — Che vvuo’?
Don Antonio (cava di tasca un sigaro, protende la mano) — Famme appiccia’[9] pure a mme.
Ferdinando (riesce a fargli tenere il suo sigaro acceso. Pausa. Poi chiama) — Muglie’, muglie’… addo’ staie?
Nannina — Mo, mo… sto parlanno con Don Alfonso. (Pausa).
Ferdinando (dà una gomitata a Don Antonio) — Totò…
Don Antonio — Ched è?
Ferdinando — ’O sigaro mio t’’o staie fumanno tu?
Don Antonio — No.
Ferdinando — E io sento ca tu zuche[10]…
Don Antonio — E chillo nun tirava… (Riesce a dare delle boccate; poi) Tie’.
Ferdinando (prende il sigaro e lo porta alle labbra. Ha uno scatto) — Mannaggia!
- ↑ bruccato: broccato.
- ↑ Invitaiemo: invitammo.
- ↑ 'o scartellato: il gobbo.
- ↑ l’aggi’ a cucca': devo metterlo a letto.
- ↑ L’autiere: l’altro ieri.
- ↑ 'e panne ’a cuollo: i vestiti da dosso.
- ↑ d’ ’e mmena': di buttarli.
- ↑ 'e gghittaie abbascio: li buttò giù.
- ↑ appiccia': accendere.
- ↑ ca tu zuche: che tu suchi, aspiri.
