La musica dei ciechi
Ferdinando — È finita! È finita! Vattene a casa tua! È finita! (a Don Alfonso) E pure pe’ vvuie è finita. Trovatevi il contrabbassista, perché io non faccio più parte della vostra orchestrina. (Alla moglie) E stanotte non mi ritiro!
Nannina — Addo’ vaie ca nun te retire?
Ferdinando — Passianno[1], sbarianno[2] io sulo, comme a nu pazzo!
Nannina — Ma che vvuo’ i’ n’ata vota sotto a quacche parte? E sta vota nun truove a mme ca te salvo a tiempo! Sta vota, muore!
Ferdinando — È meglio ca moro[3], ca campo[4] disonoratamente!
Don Alfonso — Pienza a suna’ mo!
Ferdinando — E si capisce! Accussì io sono a na parte e isso tenta di suonare dall’altra! Vigliacco!
Don Alfonso (all’ostricaro) — Ma vedite stu piezzo ’e carogna che m’ha cumbinato!
L’ostricaro (minacciandolo) — Gué, statte zitto o sinò te taglio ’o naso! (Pausa).
Ferdinando (alla moglie) — Vattenne ’a casa! Io non mi ritiro!
Nannina — Ma che ssì pazzo?
Ferdinando — Pazzo? Quanto è vera ’a vista ’e ll’uocchie!
Don Antonio (tra sé) — S’è fissato!
Ferdinando — E tu ’o ssaie ca quanno io giuro ncopp’all’uocchie, è fernuta!
Spezza la musica
Vigliacca! Mascalzona! Dice: chillo è cecato, nun vede! Eppure mo t’aggio visto!
Nannina — Ma che hê visto? Ll’anema ’e mammeta?!
Don Alfonso — Te l’ha ditta l’ostricaro?!
L’ostricaro — È meglio ca mme ne vaco io, sinò ’o jetto[5] a mare! (Esce).
Ferdinando — Ma allora pecché me l’ha ditto? pe’ sfruculia’ a mme?
Don Alfonso — No, pe’ sfruculia’ a mme!
Don Antonio — Magari l’avrà detto in buona fede e tu te ’mpressiune!
Don Lorenzo — Ferdina’! (Piano) Ma ne patisce mugliereta, ’estu male?
Ferdinando — E che nne saccio? Io nun aggio visto maie niente!
Don Lorenzo — E dalle[6] ca «nun aggio visto…».
Ferdinando — Nun aggio ’ntiso[7], nun aggio saputo…
Don Lorenzo — E allora? (Pausa).
Ferdinando (a Don Antonio) — Che ha fatto? Se n’è gghiuta? Dove è andata? Dove è andata?
Don Antonio — Chi?
