Chesta paggena è stata leggiuta du' vote e mo è fernuta.
IV.
Facìtele passà! Chiste so chille
ca fanno ’a guerra contra ’e carugnune!
Vui, mamme e sore, grosse e piccerille,
menate giglie e rose a sti guaglione!
Sguìgliano ’a sottaterra a mille a mille,
e vanno sempe nnanza, a battagliune!
Ah, benedette, pe stu ffuoco ’e core
ca ’e pporta ’ngloria e ca se chiamma Ammore!
V.
Ammore ’e patria, chesta terra bella
addò Linardo ha fatto ’e guapparie!
Addò ca Urlando, cu na mazzarella,
faceva stragge d’ ’e ssupirchiarie!
Ccà stanno ancora! Nun pensate ’a pella!
Stanno cu vui, pe mmiezo ’e ccumpagnie!
Core e curaggio! Sanetà e furtuna!
Sempe vittoria! E morte ’a Mezaluna!
— 7 —
