Chesta paggena è stata leggiuta du' vote e mo è fernuta.
II.
Damme nu vase… Sì! Dammine n’ato!
Strigneme ’npietto forte forte… e va!
Tenevo sulo a te… ma sì suldato!…
’A Madonna te pozza accompagnà!
Puozze tornà tenente e decurato!
Vàseme ancora!… Mamma aspettarrà!…
Tutt’e mmattine,quanno sponta ’o sole,
Te manno nu saluto e doi parole…
III.
E tu pure! E tu pure, (’o saccio ’o saccio!)
penzarrai sempe a chesta vicchiarella!
Nnanz’a Sant’Anna mia nu vuto faccio:
ca tu farrai felice a mammarella!
Sì, figlio d’oro! T’aggia tenè mbraccio,
quanno rituorne cu ’a vittoria bella!
Voglio alluccà pe tutt’ ’o vicenato:
« Guardate ’o figlio mio, mò ch’è turnato! »
— 30 —
