Chesta paggena è stata leggiuta.
104
Poesie
Ma stesso ’o viecchio s’ ’o chiammaie vicino:
«Siente, sa’ che vuo’ fa’? Dice a tatillo
ca nun partesse cchiù...
E’ Natale, gnorsì, nasce ’o Bammino...
Ma nu’ partesse... Tu si’ piccerillo,
meglio c’ ’o ddice tu...»
’O bardasciello — ’nfaccia ’e sidece anne —
rummanette accussì...
S’aveva appriparate pure ’e panne
pe’ partì...
E s’aveva ’mparata ’a ciaramella
c’ ’o meglio nun ce steva p’ ’e mmuntagne.
Napule! E Ile dicevano ’e cumpagne
ch’era ’nu suonno tanto ch’era bella!
Vuleva vede’ Napule, c’ ’o mare
ca nun sapeva ancora chello ch’era!...
E accumminciaie c’ ’o sisco ’e primmavera,
fernenno ’o meglio d’ ’e ciaramellare,
pe’ chesto... pe’ partì!...
