Paggena:'E Lluce-luce.djvu/112

Chesta paggena è stata leggiuta.
110
Poesie


CE VO’ UNA ’E BUON CORE


I’ so’ puveriello, gnorsì;
senz’arte, nè parte.
Si tengo duje solde m’ ’e ghioco
             a ccarte.

Ca nun saccio manch’i’
che me n’accatto. Fuoco?
E po’? M’aggia sta’ dint’ ’a casa.
— ’O ppozzo appiccià mmiez’ ’a via? —
E aspetta, aspetta ca se fa cenisa...

Dint’a sta casa mia
scura e spruvvista! Senza ’na cerasa
dint’ ’o spirito e senza cumpagnia!