Paggena:'E Lluce-luce.djvu/122

Chesta paggena è stata leggiuta.
120
Poesie


Teh! comme ’a canna ’e zucchero sbatte Vicienzo Arpaia
c’ ’o nievo ’nfaccia ’a vàvera, c’ ’o mazzo ’e petrusino»
«C’annore; ma c’annore!» diceno ’a ggente ’e Chiaia
        «p’ ’a ggente d’ ’o Pennino.»

Correno dduie giendarme pe’ pezzecà quaccuno
ca si lle vene fatto, s’arrobba pure ’o Ggiglio...
E passa ’nu feroce, ca mo’ ’mmocca ’nu pruno,
        mo’ dà ’nu panesiglio.

’Ncopp’ ’o sedile ’e marmulo, dorme Donna Gaitana.
Vicino, Don Pascale, ronfa c’ ’a capa ’mpietto.
Graziella e... ’nu Dragone, p’ ’a parta cchiù stramana,
        se sperdono a braccetto.

’E botto, ’e zie se scetano: «Graziella?!...» E sule e triste,
se contano ’e sedile: Primmo, siconno... terzo...
................
’Nu svizzero ’mbriaco se spia, quanno ll’ha viste:
        «Va trova c’hannu perzo?!...»