Paggena:'E Lluce-luce.djvu/172

Chesta paggena è stata leggiuta.
170
Poesie


Luce o sole? E che mme preme
ca sto sulo e senza te?
Simme state tanto ’nzieme...
E vatrova... ammore e stima
tu mme puorte ancora a me?

   Sento l’eco d’ ’e pparole
   dint’ ’o core e dint’ ’a casa...
   Vavattenne!.. Teng’ ’o sole,
   ca mme vasa!...
   ............
   
   Luce, sole! Luce, sole!
   Dint’all’uocchie d’ ’e ffigliole,
   dint’ ’e core nnammurate,
   dint’ ’o vierno comm’ ’a state...
   dint’ ’e vierze d’ ’e canzone!
   E fa tutte ’e core buone...
               Luce, sole!