Chesta paggena è stata leggiuta.
184
Poesie
PASCA D’ ’E RROSE
Quanta rose ’nce stanne p’ ’e ciardine
i’ tante nne vulesse ’sta jurnata...
Rose rosse ’e velluto e senza spine,
comme ’a vocca ca i’ sulo aggiu vasata!
Rose janche e gentile, comme ’e mmane
che téneno attaccata ’a vita mia...
’E rrose d’ ’e paise ’e cchiù luntane,
’e rrose ca nun nascene ’a sta via!
Ma pe’ mme
so’ sfrunnate ’e ciardine!
So’ mmorte ’e rrose e so’
restate ’e spine
