Chesta paggena è stata leggiuta du' vote e mo è fernuta.
17
Core e penziero
Ma nononno, scetannose, 'a matina,
torna 'nfaccia 'o presebbio allero, allero...
«Ccà 'nce sta 'a bella schiava sarracina...
Ccà 'nce sta 'o cacciatore mateniero...
Ccà 'nce sta 'o zampugnaro... Ullero... Ullero...
Aggio accattato 'nu Bammino 'e cera
bello sul'isso... Ride alleramente...»
Che l'ha accattato a fa!? Si... quacche ssera,
poveru nonno... ca nun sape niente...
... 'O bammeniello... nasce overamente!
