Chesta paggena è stata leggiuta du' vote e mo è fernuta.
18
Poesie
'O Sole nun è d'oro, figlia mia,
nè dint' 'o vierno, nè dint' 'a staggione.
Nun credere a chi conta 'sta buscia;
nun sentere a chi canta 'sta canzone.
Rispunne a chi te dice 'sti pparole:
— «'O sole nun é d'oro! 'O sole è... 'o Sole!
'O Sole è 'o Sole che 'nce scarfa 'e ccase,
c'ammatura ogni frutto e 'ndora 'e spiche.
È 'o Sole ca m'asciutta 'e panne spase,
ca mme secca 'a cunzerva e spacca 'e ffiche.
E nun è d'oro! Pecchè ll'oro è niente...
E senza 'o Sole nun sarrìa lucente!»
