Paggena:'E Lluce-luce.djvu/224

Chesta paggena è stata leggiuta du' vote e mo è fernuta.
222
Poesie


CUMMENIENZA

Tu, ca bene me vuo’; ma nne faie tante,
e nun cammine seria e parle e ride
cu’ qualunque ommo, nun appena ’o vide,
s’io me sto zitto, nun me fa’ gnurante!

Tutt’ i’ saccio! E nun parlo, pe’ paura
ca, si parlo, me lasse a ’nu mumento.
Meglio chesto! E d’ ’o ppoco me cuntento
pe’ nun perdere tutto adderettura!