Paggena:'E Lluce-luce.djvu/230

Chesta paggena è stata leggiuta du' vote e mo è fernuta.
228
Poesie


BALDANZA

Diceno tutte quante ’a stessa cosa,
sempe: « Nun ce sta rosa senza spine. »
No, nun ce stanno spine senza rosa:
Guarda p’ ’e ssepe, guarda p’ ’e ciardine.

Tu guarde apprimma ’e rrose ’ncopp’ ’e tteste,
no primm’ ’e spine!... E ca pirciò te lagne;
ma... dint’ ’e carde nascene ’e ccastagne
e ’nfaccia ’e ssepe mòvere ’e ghianeste!