Paggena:'E Lluce-luce.djvu/256

254

Poesie

Ninno mio bello nun m’ha fatto spesa
’a c’ha araputo l’uocchie dint’ ’a casa.
Sta cònnola ce ’ha data ’na marchesa...
E tutt’ ’a biancaria, stipata e spasa,

ch’è fina comm’ ’a seta e addora ’e rosa
ce ’ha data ’na Duchessa cuntignosa...

Purtanno ’a chiesia chistu masculone
addimmannaie d’ ’o pate ’o parrucchiano.
«So’ se’ mise c’ ’o pate ’e stu guaglione
— rispunnette ’a cummara – sta luntano.

Ma chi ’o vo’ bene p’ ’o tenè vicino
mette nomme a ’stu ninno: Pascalino.»

Me dice ’a gente: »È tale e quale ’o pate
e se’ mise luntano l’hê tenuto.
Mamma risponne: »Gente, ve sbagliate.
Nuje ce parlammo ogne ora e ogne minuto.

E stesso quanno ninno mio se sceta,
i’ chiamm’ ’o pate... E ’o pate l’accuieta...

«Suonno, suonno ca viene da li munte...»