Chesta paggena è stata leggiuta.
270
Poesie
Torna! ’Na sera ’e chesta che vuie ve ritirate
cu’ ’e scarpe chiene ’e povere, pe’ ccierti ttali strate...
cu’ ’na rosa ’int’ ’e diente... ’nu poco fatta a vino...
Torna! ’Na sera ’e chesta v’ ’o truvate vicino...
Torna. V’ ’o mmanna a ddicere. Torna! va truvanno.
E vuie, cu’ ’a rosa mmocca, c’ ’o rispunnite, tanno?
Muorto?... E si pure è muorto. Nun torna? Chi v’ha ditto?
’E muorto pure tornano... Tornano zittu zitto...
’e notte, quanno ’a capa sbarca ’ncopp’ ’o cuscino...
Torna, si è muorto! E muorto... v’ ’o truvate vicino
’na notte, ca ve sbatte forte ll’uocchio deritto...
’E muorte pure tornano! Tornano zittu, zitto...
