Paggena:'E Lluce-luce.djvu/279

Chesta paggena è stata leggiuta.
277
Alleramente


NA DUMMENECA PASSA..

Na dummeneca passa e n’ata vene,
e tutte ’o stesso e tutte tale e quale!
’I quant’accunte c’ ’o barbiere tene!
’I quanta folla ’int’a dd’ ’o spezziale!

’E tramme chine... ’E ccarruzzelle chiene...

Passano ’a princepala e ’o principale,
che vanno ’a messa e apparo apparo vanno.
Passa ’o cullegio... Duie carabiniere...
Na serva cu na guardia duganale,
ca s’alliscia ’o mustaccio e ca passanno,
se mmira ’int’ ’a vetrina d’ ’o barbiere.

Gente che vene e va senza penziere,
Sott’all’arbere ’ncopp’ ’o marciappiere...