Chesta paggena è stata leggiuta du' vote e mo è fernuta.
26
Poesie
Aria tennera 'e maggio, aria sincera,
aria serena e fresca, aria celeste!
Tengo spaparanzate 'nfin'a' sera
porte e ffenestre.
Trase! Pazzea pe' dint' 'a casa mia,
cu' 'e sciure 'e sotto a 'sti ccampane rotte,
scioscia 'a povera 'a copp'a 'sta scanzia,
primm' 'e fa notte.
E famme lustre tazze e tazzulelle,
e statue e statuette e canneliere...
Caccia mille culure da 'e papelle
'e 'stu lampiere.
E abbocca 'stu canario... 'mbalzamato,
allerta 'ncopp' 'a pedagnella nera...
'O ssiente o no... ca nun se n'è addunato
ch'è primmavera?
