Chesta paggena è stata leggiuta.
281
Alleramente
NOTTE
Quanta stelle stasera e che serata!
Tanta luce sta ncielo ch’è n’abbaglio,
comme fosse sagliuta ’na granata
ca s’è aperta a ventaglio
e po’ nun s’è stutata.
Saglie ’a luna ’a levante.
’Na bella luna nova
tonna tonna e lucente.
Tutt’ ’a notte cammina
e se ne va a punente.
E dimane mmatina
a punente se trova.
Comm’ ’a carta velina...
’O vi’ c’ ’a notte struje a tutte quante?
