Chesta paggena è stata leggiuta.
284
Poesie
’A MAMMA
Comme mme tiene a bbista dint’ ’a nota,
oi Morte! E comme?! Nun te scuorde maie?
’A che so’ nnato, e nun so’ vviecchio assaie,
si’ già turnata ’a terza e a quarta vota.
Ma comme chi mme tene caro assaie
cu’ ll’uocchie ’e chiante, dice: « Va! Vattenne »
Tu, comme pazziasse a vvienetenue,
t’annascunne; nun già ca te une vaie!
Che t’aggia di’? Si mme vuo’ fa’ ’sta pella,
fammella a tradimento, ca m’ ’a faie;
ma si t’accuoste, nun me cuoglie maie:
truove a chi mme vo’ bbene ’nzentinella.
Ch’è capace ’e te di’, comme già saie:
(Si te preja e scungiura... e nun ’a siente...
si te nne caccia... e nun appura niente...)
« Pigliate a me, si vuo’... ma a chisto, maie! »
