Paggena:'E Lluce-luce.djvu/288

Chesta paggena è stata leggiuta.
286
Poesie

Spuntanno mme devano ’a voce:
« Si’ tu? Pascalì?... Figliu mio! »
(’A voce d’ ’a mamma chiù ddoce...

’A mamma c’ ’o figlio lle coce!)
E stevo chiù ’mpace cu’ Dio...
Che sa... m’ ’a facevo ’na croce!

Mo’ ’a notte c’ ’o suonno nun vene,
m’appiccio ’nu miezo sicario
e penzo. E te penzo! Che bene!

Nun tengo chiù fede! (Chi ’a tene?)
E fumo... aspettanno l’orario
d’ ’a Morte. Che trica, ma vene.