Chesta paggena è stata leggiuta du' vote e mo è fernuta.
27
Core e penziero
Mo' 'mbarcone; mò 'nnanz' 'o specchio;
mò sdraiata 'ncopp' 'o divano...
Ma 'na vota... che d'è 'na vota?...
te truvasse cu' ll'aco 'nmano!
Nun se scose mai niente?... Niente?!
dint'a 'sta casa toia? Che saccio!
Te vedesse dà maie 'nu punto;
te vedesse fa' 'nu rinaccio?!...
Nun se spezza maie 'na fettuccia?...
Nun se ne vene 'nu bettone?!
Te l'hê fatta 'na canestella
cu' ll'ache, 'a forbice, 'o ccuttone?...
Vene 'o Sabbato 'a lavannara;
porta 'e panne... Ma ce scummetto
ca tu, lèpeta e rincrisciosa,
nun te stire 'nu fazzuletto...
