Chesta paggena è stata leggiuta du' vote e mo è fernuta.
290
Poesie
FRISCURA
Friscura d’ ’a matina,
che faie tremmà caruofene e vviole,
tutta ndurata ’e sole,
frizzante e leggia, profumata e fina,
primula ’e tutte ’e ffeneste d’ ’o quartiere
s’arape ’a mia, pecchè
nun dormo ’a notte, tanto d’ ’e penziere,
e me metto ’nfenesta e aspetto a tte.
Ah! comme me fa bbene
’stu rrisciatà! Mme leva ’a freva e ssana.
I’ sento ogne campana,
e conto ll’ore, ’a notte, ca tu viene.
E comme ’o cielo se fa cchiù turchino
e ’a luna se nne va,
i’ levo ’a capa stracqua d’ ’o cuscino
e m’affaccio ’a fenesta a risciatà.
