Chesta paggena è stata leggiuta du' vote e mo è fernuta.
28
Poesie
E sì bella! Sì accussì bella,
c'uno... t'ha da guardà pe' 'ncanto...
E i' te guardo... Ma pe' ttramente
dò 'n'uocchio a' cammera ogne tanto.
Guardo... E vveco... Cierre 'e capille
sparpagliate 'ncopp' 'a tuletta...
'O piumino, ca t'è sservuto,
'ncopp' 'o marmo d' 'a culunnetta...
'Na cazetta 'ncopp'a 'na seggia...
e' ll'ata sta... vatrova addò...
'Nu cappiello sott' 'o lettino;
'nu scarpino 'ncopp' 'o cummò...
Ma sì bella! Sia 'ntulettata,
sia cu 'nu càmmese 'e macramma...
E i' te voglio!... Ma... Comme faccio,
si 'a mugliera addiviente mamma?
