Paggena:'E Lluce-luce.djvu/36

Chesta paggena è stata leggiuta du' vote e mo è fernuta.
34
Poesie



'O CCAFÈ!


Quanno saglie 'st'addore, s'è capito
ch'è trasuta 'a pruvvista pe' 'nu mese...
Pecchè quann' 'o ccafè s'è abbrustulito
e spanne 'o fummo... è segno c' 'o marito,
quann'è 'o mumento, nun abbada a spese.

È segno c' 'o marito è n'ommo 'e chillo
ca port' 'a croce 'a quanno s'è accasato.
Ca dint' 'a casa nun dà maie 'nu strillo
e ca penza 'a guagliona e 'o piccerillo...
Mo' ce vo' chesto, mo' ce vo' chell'ato...

E chesto è 'o llardo e chesta è 'a nzogna 'mpane,
e cheste so' 'e butteglie 'e pummarole,
e cheste so' 'e buatte 'e mulignane...
«S'avessera cagnà 'sti pperziane...»
E tutt'è fatto... Appena 'nfoca 'o sole...