Chesta paggena è stata leggiuta.
38
Poesie
Guappo, ca t'appresiente cu' 'sta catena d'oro.
Guappo, ca tu m'accide? Che mme ne 'mporta? Moro.
Si 'a miette sotta chiave... 'Nu mese... e ce scummetto
ca moro 'o stesso. Guappo, pirciò... si vuo', t'aspetto.
N'amminaccià; ma famme chiammà pe' quacche amico
fidato: «Don Gennaro ve vo'. Sta for' 'o vico».
Zompo addo' staie. Te parlo comm' 'a perzona cara;
te dico a te: «So' pronto... Guappo, sì guappo? E spara!»
Zitto, comme mme cuoglie, vattenne muro muro...
E si nun moro subbeto, còccate... e sta' sicuro:
Nu' pparlo a 'e Pellerine. Moro... senza dì niente.
Si avessa dì qualcosa, dicesse sulamente
'nu nomme... pe' chiammarla, murenno, 'n'ata vota...
