Paggena:'E Lluce-luce.djvu/42

Chesta paggena è stata leggiuta du' vote e mo è fernuta.
40
Poesie



'A CASCIA


Oje! Quanta musullina s'è 'ngialluta!
Quanta tela d'Olanda s'è 'nguttata!

'Sta cascia, larga quatto parme e ffuta,
sta sott' 'o lietto 'nchiusa e rebbazzata...
Pecché nisciuna mano l'ha araputa
'a quanno, dinto Marzo, fuie 'nzerrata.

E che curredo! Trentasè lenzola;
'na cuperta a filé, n'ata d' 'a Cava;
ciento cammise... 'A povera figliola
'a 'n'anno, 'a 'n'anno e cchiù 'nce faticava!
E cantava 'o cardillo 'int' 'a caiola
quanno ll'aco d' 'a màchina... cantava...