E che casa mettette ’on Pascalino:
’a stanza ’e pranzo, ’o sturio, ’o saluttino
e ’na cammera ’e lietto scicca assaie...
Senz’ ’a cuperta!...
... C’ ’o telaro ’nzino,
si menava ’nu punto ogne mez’ora,
chella... ’a cuperta nun ferneva maie...
«’A ’ncignammo a ’nu prossimo festino!»
Strillaie, cu’ ll’uocchie a zennariello, ’a gnora...
«Ma i’ credo, — rispunnette ’on Pascalino. —
ca quanno è tanno manco è ppronta ancora...»
«Chi ’o ddice? — se n’ascette ’o milurdino —
Chello ch’ è fatto è già ’nu cupertino,
e p’ ’a cuperta nun ce manca assaie!»
Ma... steva sempe c’ ’o telaro ’nzino
e menava ’nu punto ogne mez’ora.
E ’sta cuperta nun ferneva maie...
Ma, stanno sempe c’ ’o telaro ’nzino
e menanno ’nu punto ogne mez’ora...
’a cuperta foie pronta. ’On Pascalino,
pe’ telegramma, fuie chiammato fora,
Paggena:'E Lluce-luce.djvu/56
Chesta paggena è stata leggiuta.
54
Poesie
