Chesta paggena è stata leggiuta du' vote e mo è fernuta.
59
Core e penziero
’E BUONE NEMICE
’Nu iuorno l’Està e ’o Vierno
se detteno ’appuntamento.
(Ce steva ’nu sole ’mpierno;
ma sciuccava ogne mumento.)
E ghienno p’ ’a stessa strata,
parevano frato e ssora.
L’uno cu’ ’a «mala nuttata»
l’ata cu’ ’a «brutta cuntrora».
— Tu che vuò? — Vierno diceva,
tanto pe’ dì ddoie parole. —
Tu che vuò?... ’Nu parmo ’e neva? —
— E tu?! ’A vuo’ ’na lenza ’e sole? —
E cammina a core a core,
s’arrivajeno a capì a ssisco,
sì una... teneva ’o calore
e ll’ato teneva ’o ffrisco!...
