Chesta paggena è stata leggiuta.
64
Poesie
’O SCRUPOLO
Bellafemmena, che cammine
strascenanno p’ ’o marciappiede,
e mò guarde dint’ ’e vetrine
e mò zennìe chi nun te vede...
Bellafemmena, ogne matina
i’ te ’ncontro pe’ Cunfalone,
quanno seria, pàlleta, fina,
puorte p’ ’a mana ’nu guaglione.
Quanto è bello, ma quanto è bello!
Chi ll’ha fatto l’ha fatto ’e core.
Sta vestuto a marenariello
comme fosse figlio ’e signore.
Ianco e russo. (E nun é russetto:
tu t’ ’o mmiette e ’nu poco ’e cchiù...)
Tene ’o naso bello e perfetto,
tene ll’uocchie che tiene tu...
