Paggena:'E Lluce-luce.djvu/68

Chesta paggena è stata leggiuta.
66
Poesie



’A SIGNORA


Signo’, ’sta vesta ’a saccio quann’ era blù; quann’era
russagna; chiù sbiadita; verdognola... Mo’ è nera:
l’avite fatta tegnere. Ma, mo’ che vene està,
vatrova ’e che culore, scagnannose, se fa!

Saccio ’stu cappelletto niro cu’ ’e capagola,
cu’ ’e scè ’ncopp’ ’a carcassa e cu’ ’sta spennazzola
ca, quanno cammenate, va a bbiento. Saccio tutto!

’Sta vesta s’ è tignuta no pe’ cagnà... pe’ lutto!

Quanta pariente site, signò? ’Nu reggimento?
Sempe ’nu poco ’e lutto. Mor’uno ogne mumento...