Chesta paggena è stata leggiuta.
72
Poesie
E fatica. E mmiez’ ’e ccarte
culurate, pass’ ’e nnotte!...
Po’... ’na notte, se ’mbriaca,
comme a ll’ati Piererotte...
Se ’inbriaca! Sape ’a vita!
C’ha da fa? Cu chi s’ ’a piglia?
E fatica... — A sittant’anne! —
pe’ nu’ ghi suggetto a’ figlia...
Pecché ’a figlia nun è degna...
quanno... è chella...
E ’on Peppe Quaglia
mmiez’ ’e ccarte culurate
tutt’ ’a notte... ’ncolla e taglia...
— Quante so’? — fa ’o farmacista
quann’arape — Neh! Don Pe’?
— Cu chist’ato ca fernesco...
— fa don Peppe — cientoettré!...
