Chesta paggena è stata leggiuta.
73
Core e penziero
L’AMICO
Ve site fatta grossa, benedico!...
Site spicata dint’ ’a ’nu mumento...
E i’ so’ rimasto chillu stesso amico
c’una speranza e c’uno sentimento:
ca do vintuno ’e Maggio novecento,
ve voglio di’ ’na cosa... e nun v’ ’a dico...
Mo’ tutt’ ’e ssere penzo a chella sera!
Veco ’a cammera ’e pranzo tale e quale
cu ll’onibra vosta dint’ ’a cristalliera...
E veco a vuie, sculara d’ ’e nnurmale,
c’aizasteve ’nu pizzo d’ ’o mesale,
sbattenno ’ncopp’ ’a tavula ’a cartiera...
— C’avita fa?... ’Nu tema ca mme piace:
« Parlate di un amico di famiglia... »
— Giesù! ’stu tema nun me fa capace...
