Paggena:'E Lluce-luce.djvu/82

Chesta paggena è stata leggiuta.
80
Poesie


— Nunziatì... tiene mente
llà bascio; addo’ è chiù scuro,
comme cammina ’o muro...
Sì... là... pricisamente...

È ’o posto chiù sicure»
pe’ fa dichiaramente...
E se nn’accire ggente
llà bascio... dint’ ’o scuro...

’Nu ggiovedì, passato,
cantanno, ’na figliola
ce va c’ ’o ’nnammurato...

«Tu... m’ ’a vuo’ fa cu’ chillo...»
«No»... «Sì»... Caccia ’a pistola...
tta! ’Na botta e ’nu strillo...