Chesta paggena è stata leggiuta.
93
Core e penziero
LL’OMMO ’E NIENTE
Sotto vintiquattore
’o ninno se scetaie.
— Mammà, ’nu surzo d’acqua... —
E ’a mamma s’accustaie.
— Luiggì, damme ’o rì sordo
c’ogge t’ha dato ’o nonno...
(’O ninno steva ancora
tutto ’mpacchiato ’e suonno)
Mammà t’accatta ’o llatte...
Scenne ’o craparo... He ’ntiso?
(E ’o ninno nu’ pparlava)
Ma comme... addo’ ll’he miso?
— Mammà... nun m’ ’allicordo...
— Comme?! Dillo a mammà...
— Mammà... chillo... ’o rì sordo...
s’ha pigliato... papà.
