Paggena:'E Lluce-luce.djvu/97

Chesta paggena è stata leggiuta.
95
Core e penziero


’O CECATO ALLERO


— I’ nun me lagno. Quanno era destino
ch’êva perdere ll’uocchie, ch’aggia fa?
Piglio tabacco. C’ ’o «Sant’Antunino»
dice che ggiova a’ vista: ’a fa schiarà!

E nun fumo. Si ’o fummo nun ’o bbeco,
aggiu perduto ’o sfizzio d’ ’o fumà.
’Nu miedeco dicette: «Siete un cieco,
ohe, operando, ci fosse da sperà...»

I’ dicette: Dotto’, lassamme sta!
Cuntentammoce ’e chesto; si è ddestino,
ca pure senza ll’uocchie aggia campà.

Chi m’ha luvata ’a vista è naso fino;
sape addò mette ’e mmane!... E mo chi ’o ssa
s’i’ nun so’ comm’ ’o ciuccio d’ ’o mulino,
c’ ’abbèndano... pe’ farlo runnïà?...