Paggena:'E Lluce-luce.djvu/98

Chesta paggena è stata leggiuta.
96
Poesie


E nun me lagno. Penzo a Cristo ’ncroce,
e dico: «Simmo suocce!» Sulamente,
sapite che vulesse? ’O ppoco ’e voce.

Ma ’na voce attunata overamente;
’na voce ca facesse ’ncantà ’a ggente.
Pe’ canta’, sissignore. E chi m’ ’a da?...
Quanno voglio cantà, nun canto: strillo...

Embè, mme pare ’na cuntrarietà!

Nun pozzo manco di’ comm’ ’o frungillo:
«M’hanno cecato pe’ mme fa’ cantà!»