Chesta paggena è stata leggiuta du' vote e mo è fernuta.
XII.
Scialone, senza pate e senza mamma,
fa pranzo e cena cu nu casatiello.
Sta tutt’allero e zompa a una gamma
quanno ha abbuscato quacche surdacchiello.
Ha fatto ’o patto cu nu cufaniello:
nce dorme ’a dinto, e nun se more ’e famma,
pecchè ’o juorno va a fa’ ’o munezzariello,
e ’a notte ’a passa nzieme ’a picciuttamma.
Comm’’a maruzza trase dint’’a scorza,
isso trase int’’o cuofano e s’addorme.
Nun tene suonno? Attuomo fa na corza…
Runzèa pe nnanz’’e llastre d’’e cafè,
e quanno pò aruna' mezzune a chiorme,
tanno se sonna ch’è nu figlio ’e rre!
33
