Chesta paggena è stata leggiuta du' vote e mo è fernuta.
— 12 —
II.
N’ata vota, passanno pe nu campo,
vede ’a luntano na cosa lucente!...
“Neh, che sarrà, fa isso, chisto lampo?
Se trattasse ’e quaccosa malamente?...„
Erano turche! E nun ce steva scampo!
Erano cchiú de mille e cincuciente!
“’A bbona ’e Ddio! fa isso. O moro o campo!
Ccà sta Linardo! Il cavalier possente!„
Stèvano ’e turche tuttuquante armate!
Curazze e scute d’acciaro strafino,
da ll’Amustante ’e Perzia cumannate!
“Hann’’a fa festa!„ Linardo penzaie;
dette na sperunata a Vigliantino,
cacciaie ’a spata, e nnanze se menaie!
