Chesta paggena è stata leggiuta du' vote e mo è fernuta.
— 25 —
XV.
Dinto a nu terzo d’ora hanno magnate
quanto se po’ magnà nu riggimente!
’O canteniere, sempe stralunate,
nun ne capeva propio ’o rieste ’e niente!
— Chiste, penzava, so’ ggente affatate!...
Mamma, e comme faticano cu ’e diente!...
Da quanto tiempo stevano affamate?...
Overo chiste so’ d'’o Cincuciente!...
Io mo’ stevo c'’a capa, ca surtanto
dint’all’Opera ’e pupe, accumpareva
’o palatino ca magnava tanto!...
E quann’Orlando, appena sazziato,
l’addimannaie ’a nota a quanto jeva,
dicette: — Io nun voglio essere pavato!...
