Chesta paggena è stata leggiuta du' vote e mo è fernuta.
- — 49 —
- XXXIX.
Nun ve vene ll'arraggia!?.. Nun chiagnite?
N'ati ttre ppasse, e 'o steva p'afferrà!..
Io mo'songh'io... embè, che ve crerite?
Patisco sempe, quann'arrivo ccà!...
Truvateme int''o libbro 'e meglie site
d''e gguapparie ca fanno chilli llà,
embè, verite vuie si nun verite
ca Gano scappa e nun se fa truvà!
Io sa' che ssaccio? Quanno l'ommo è nzisto
ca tu sai ch'è mmarvaggio, e si lle vene
te mette 'n croce pure a Giesù Cristo,
ggiúrace, ca chill'ommo è affurtunato!
Campa cient'anne, e tutto lle va bbene!
E chisto è fatto! Scìveto e ppesato!
F. Russo.
4
