Chesta paggena è stata leggiuta du' vote e mo è fernuta.
- — 50 —
- XL.
Tu piglie a uno a uno 'e palatine,
ggente ca te cumbatte pe na fère,
embè, tu va te nforma a qua' festine
se so' spassate chilli cavaliere!
Sempe 'n battaglia cu li sarracine,
sempe vestute 'e fierro 'a capo 'o pere!
Sempe cu li pericule vicine!
Scanze ogge chillo ch''e scanzato ajere!
Mo' dinto a na furesta cu nu Mago,
mo' dint' a nu deserto c''o lione,
mo' cu nu serpe 'e fuoco o cu nu drago..
Piglia a Linardo!... Chillo quanno maie
s'arrepusava ncopp'a nu paglione!...
Me pareva Pascale Passaguaie!
