Paggena:'O Cantastorie.djvu/53

Chesta paggena è stata leggiuta du' vote e mo è fernuta.

— 51 —

XLI.

Pe farve cchiú capace, chesta storia
ll'ha scritta ll'arcivescovo Vurpino,
n'ommo de cchiesia ca murette ngloria,
nzieme cu Mmalaggiggio e re Pipino!

Miezo prèvete e miezo palatino,
chillo sant'ommo, pe fforza 'e memoria,
se signava ogne fatto, e ha scritto anfino
a quanno è mmuorto cantanno vittoria!

E chisti ccà so' ffatte, tale e quale!
Io nun ne levo e nun me metto niente!
'O libbro parla, e parla naturale!....

'E primme perzunagge 'e chilli tiempe
nce perdèvano 'e meglie sentimente...
E sti patute nce so' state sempe!...

XLI.

Pe farce cchiú capace, chesta storia
ll'ha scritta ll'arcivescovo Vurpino,
n'ommo de cchiesia ca murette ngloria,
nzieme cu Mmalaggiggio e re Pipino!

Miezo prèvete e miezo palatino,
chillo sant'ommo, pe fforza 'e memoria,
se signava ogne fatto, e ha scritto anfino
a quanno è mmuorto cantanno vittoria!

E chisti ccà so' ffatte, tale e quale!
Io nun ne levo e nun me metto niente!
'O libbro parla, e parla naturale!....

'E primme perzunagge 'e chilli tiempe
nce perdèvano 'e meglie sentimente...
E sti patute nce so' state sempe!...