Chesta paggena è stata leggiuta du' vote e mo è fernuta.
- — 54 —
- XLIV.
— Embè, te faie 'a risa, Pascariè?...
Chillo, zi-Tore, chillo ha pazziato!...
'A ggente 'e core, tu n''o può sapè,
stevano pure 'o Cuverno passato!...
— Ma cu chi ll'aie?... Cu me?... — Proprio cu tte!
— E te si' tanto brutto amariggiato?...
Fusse paluto 'e Francischiello, neh?...
Io ll'at'anno so' stato cungerato!
Va llà, vattenne!... Mièttete cu 'e viecchie!..
'O ssaccio, che buò rì!... Si' cammurrista?...
Ma nun m''a faie, na tiratella 'e recchie!...
Vo' fa causa, ca ncoppa Santu Rocco
ll'atriere a ssera, int''a cantina 'e Lista
nun l'aggio rato a bèvere, int''o tuocco!
