Chesta paggena è stata leggiuta du' vote e mo è fernuta.
- — 55 —
- XLV.
— Embè... si fosse pe sta mutivanza?
Nu masto nun te chiamma all'ubberienza?
Sì ppicciuotto?.. E picciuotto 'e qua' paranza?..
Famme 'o ssapè, pe na cumpiacenza!...
— Guè...T'aggio ritto! Io nun te rongo aurienza!
Maronna mia, acconcia sta valanza!...
Mo' me ne vaco, va! Vutammo 'a renza,
si no ccà faccio avero na mancuanza!
Chillo è suggetto 'e pruvucazzione!
Me fa n'aggrisso a me, pe ssenza niente,
e po' se n'esce... è Masto!... Aie raggione!...
Vuò ca te cerco scusa? Una parola:
Stasera, rint''o vico 'e Sette-Viente...
Signori belli!... Me fa male 'a mola!...
