Chesta paggena è stata leggiuta du' vote e mo è fernuta.
67
’O “luciano„ d’’o Rre
Che v’aggia di’? Chi sa!… Si nun parteva’
ferneva tuttecosa a ppazziella,
e chella sfenetezza che senteva
sarrìa passata cu na misturella…
Arïano aspettava, isso nun jeva,
e scumbinava buono ’a jacuvella,
e te lassava comm’a statue ’e sale
a Munzignore e a tutt’'e libberale!
Pirciò fui smaleditto, stu viaggio
cu ’a jettatura ’e trònole e saette!
E pirciò, pe sta causa ’e stu rammaggio,
anfino a Manferònia nun se jette!
Jettemo a Bare… Già traseva Maggio…
Era ’o vintotto ’Abbrile… o vintisette…
E nce arrivàimo mmiezo a spare e suone,
e na gran folla ’e pupulazzione.
