Chesta paggena è stata leggiuta du' vote e mo è fernuta.
— 33 —
tuttuquante, zitto zitto,
s’agghiustàieno a ffilere,
comm'a nnanza ’o capitano
’e surdate int’’o quartiere.
— Bbona ggè, tenite a mmente!
Chi nun dice ’a verità,
quant’’è ccerta chesta chiave,
de trasì s’’o ppò scurdà!
E accussì dicennno, ’o Santo
guardaporte, se pigliaie
da san Paolo ’o riggistro,
e ll’appello accumminciaie.
— Peppenella ’a nzalatara!
— Eccuccà! Songo prisente!
— Fatte nnanza. ’Onna Rusina,
’a mugliera d’’o sargente!
— So’ pprisente! — rispunneva
n’ata voce e doppo n’ata.
— Don Alfredo Scognamillo,
’o marito ’a Pezzecata!
F. Russo — ’n Paraviso
