Chesta paggena è stata leggiuta du' vote e mo è fernuta.
— 42 —
E te dico chiaro e tunno,
ca, si dipendeva 'a me,
ll’ avarria già cuntentata,
tu capisce lu pecchè.
Rispunnette: — Sora mia,
io nun pozzo farve niente.
Si se fosse limitato
a sciaccarlo sulamente.
meno male. Ma l’ha ’cciso,
e ntra nuie nun ce po’ sta…
Favorite voi… Ve ggiuro
ca ve faccio cunzulà.
Chella, invece, se fa janca
comm’ ’a carta, dà nu strillo,
stenne ’e ggamme, stenne ’e bbraccie,
e lle vene nu sturzillo !
Te figure tu, stu ppoco ?
Che mmalina avev’ ’a fa ?
Me mettette a chiammà aiuto:
— Gente ggè ! Currite ccà !
